Kay Fung

讀取中... 檢舉
本人是一名不折不扣的香港人,只懂得用廣東話寫文章及分享個人感受,不懂看勿見怪~謝謝
登入次數:3
來自 🇭🇰 性別:男生 註冊於2020年08月


梗圖創作 - 共 5 張
查看全部

話題部落貼文 - 共 1 則
查看全部
細過第一次看《西遊記大結局之仙履奇緣》我真係剩係識得當一套周星馳既無厘頭戲,人大左幾年後再睇,就會覺得套戲用左唔同既時空去表達對人同發生既事,更加令你感覺騎呢,呢D 應該都係我當時都仲未明睇得明套戲。 一般人認為《仙》 係一套由前世講到今世既愛情故事,我細過睇都覺得《仙》係一部好好笑的笑片(始終都係周星馳),真係無諗過原來因為年紀越大,每睇一次就會越留越多眼淚,對呢部戲越睇越執著,唔再會覺得呢套係笑片,應該話唔會再識得笑,將自己情路上所有錯過、遺憾過同無能為力既感覺都表達係你用既第三者旁觀。 本來只係利用左「月光寶盒」令到唔同時空不斷交錯,唔同既人將原來發生既事,係唔同的平行時間線入面改變左無數個結局,所以發生唔少既蝴蝶效應,影響在好多個唔同既變化。 1. 苦海翻起愛恨 在世間難逃避命運 《仙》由本來係一套無厘頭既笑片,變成一套神作,主要係因為戲既內容不斷反轉,至尊寶因為月光寶盒搞錯左,所以先認識到五百年前既紫霞仙子,仲竟然可以“係咁易”就抆左紫霞既真命天子先抆得出既紫青寶劍,既然係緣份既安排,當然係「大哂」嫁啦。當佢一直認為自己既真命天子係一個蓋世英雄,有一日佢會著住金甲戰衣,坐在七色彩雲黎迎接自己,但係好無奈佢只係估到開頭,估唔到結局。呢套戲就正正反映左人既無力感有幾無能同善變,重覆又重覆咁表達感情既痛苦同愛恨,係一套無理頭既戲入面,想表達更多人生既想法。 2.記唔記得普提老祖講過“ 愛一個人需要理由嗎” 戲入面寫左《西遊記》既唔同既時空,而我覺得《仙》係演譯左一個重要時空既故事。係現實生活入面陪到你去最後既人未必係你最愛,最愛反而可能係你心入面,偶爾會諗起既一個人(我並唔係全部認同既)。係至尊寶暈到時迷大左既時候,叫了晶晶只係幾十次,但係竟然叫左紫霞幾佰次,當時既佢一D 都唔覺得自己已經鍾意第二個,仲同自己講,自己無理由會鍾意一個黑自己憎人,而菩提老祖就問左一句“愛一個人需要理由嗎”佢一直以為自己最愛既係晶晶,但係,個天偏偏要佢遇到紫霞,佢又有得揀咩?當你睇得通至尊寶鍾意晶晶,晶晶鍾意悟空,到悟空愛鍾意紫霞,紫霞鍾意至尊寶,你就會發現有一日當你覺得你鍾意一個你憎既人,咁樣既感情先最大獲,呢D 係人同人之間最矛盾既感情世界。 3. 相親竟不可接近 「曾經有一段真摯的愛情擺在我眼前,我無去珍惜,等到失去左先發現後悔莫及,塵世間最痛苦既事莫於如此,如果個天能夠比我一個從頭黎過既機會,我好希望能對果女仔講我愛你,如果點都要係呢份愛入面加一個期限,我希望係一萬年。」呢段對白,我諗好多人都記得,因為係呢套戲入面出現過兩次,一次係真心既深情對話,因為佢已經睇透左世事,可惜一切都已經遲左,再之前係一個無賴既人講既大話,同樣令到佢覺得好內疚,因為無論係500年前,定係500年後佢既感情都無好結果。 4. 每個人生活中都一定有好多既執著,好多既遺憾事,對於D 事有一定既堅持同一定既執著,結果都係唔可以改變,正如你女朋友要離開你,你會因為難忘所以先會念念不忘,親人唔係度,你就會因為思念所以回望,每種悲痛就會產生。當初孫悟空覺得自己以前只係用肉眼去睇野,但就係佢死果一刻,先發現,睇野係用心睇,所有野原來可以睇得比之前清晰,甚至乎有前所未有咁清楚。如果睇清楚之後,你就會發現執著既到最後都唔係自己決定或都改唔可以改變,所有野都係自己玩自己。 5. 或我應該相信是緣份,悟空係最後上左夕陽武士身,錫左自己以為係既紫霞,如果可以,當時既悟空會唔會留低?當有一個同紫霞一樣敢愛敢恨既人出現,夕陽武士又會點揀?大部人既一生入邊都有可能會出現幾個晶晶同埋紫霞,晶晶係你決定你去愛既人,但係命運又注定你會遇到紫霞。每個紫霞都係你以為係晶晶既替身,你希望可以係紫霞上面搵到晶晶,而你對佢講既大話就好似至尊寶第一次講既一萬年,之後你會發現到紫霞對自己既愛,希望自己可以繼續向前行同時好努力咁學識珍惜而家,你先會好真心再咁講出,一萬年。當你最後領悟到呢一切既時候,好多時你會發現,你已經失去了紫霞,你已經唔係至尊寶了。 我係鄧奇峰 口語講故事 以上文章大部分改篇其他人的文 https://i.imgur.com/HcFbv9u.jpg