??? (愛国愛党) 🇭🇰  ·  1年前

香港漫畫家阿塗接受訪問

「最大既推動都係蘋果倒閉,佢係前線嚟㗎,我哋呢啲後排嚟,突然之間無咗個前線,我哋就好似企得好前。」

「嗰種壓力原來係不自覺,開始創作嘅時候、執筆嘅時候好多顧慮,會諗我每畫一張漫畫,都係舖緊入監獄嘅路。」

「嚴重愧疚…覺得對唔住好多曾經喺香港支持我嘅人,對唔住以前嘅自己。」

「可能永遠都放唔低,對於離開嘅愧疚,咪由得佢喺度,點解要放低佢?咪將你嘅愧疚當係創作嘅動力。」

已移居英國半年 政治漫畫家阿塗

***

今年 4 月 26 日,漫畫家阿塗在個人社交平台,宣布已經離開香港、移居英國,「離別係逼不得已的抉擇」、「因為我想繼續為香港創作」,但其實早在去年年底,阿塗已低調離港,至今已逾半年,剛剛搬離臨時的寓所,在英國找到新的「家」,「Physically 佢係一個屋企。」

「Mentally 嘅屋企,梗係香港,你個心都離開唔到。」

創作大膽、經常直擊港府痛處的政治漫畫家,阿塗的離開其實並不意外,他亦曾經想過堅持「坐監我都照坐」,「但去到蘋果倒閉之後,開始諗多咗啦。」

作為創作人,阿塗過去視自己為「後排」,而《蘋果》則在「前線」遮風擋雨,「突然之間無咗個前線,我哋就好似企得好前」,這種心理壓力令他經常發惡夢,執筆創作之時亦常有顧慮,「會諗我每畫一張漫畫,都係舖緊入監獄嘅路。」

他憶述在離港之前,陷入一種難以自覺的自我審查,例如去年年底的北京冬季奧運會,他構思過繪畫有關新疆維吾爾人集中營的漫畫,「俾著以前我會無咁 hesitate」,但當時身在香港和國安法的威脅之下,最終這篇漫畫並沒有面世,「講唔到嘢好似好痛苦,人生好痛苦,但係繼續講又淆底。」

阿塗邊說邊苦笑,「個排個恐懼﹐喺個腦入面,不自覺咁滋長」, 最終令他決定離開。

他形容,當時這個決定已經不是出於理性,而是情緒上、精神上已經「頂唔順」,他避免接受訪問,作品的作品一方面希望多人 like & share,但又擔心太高調會有後果,離開前的一段時間,這種恐懼膨脹到高峰,到英國買的是雙程機票,「驚佢覺得我一去不回」,抵達機場擔心無法離境,憂慮可能最近的作品「中招」,「會覺得好唔抵,都決定走,臨走都撻 Q」。

直到航班抵達英國,他終於可以舒一口氣,但迎接他的除了自由的空氣,還有一種莫名的疏離感,「有時一路做野,尤其你上網都係睇返香港啲野,有下你會覺得自己喺香港,突然之間一望出出面,好似異世界、另一個時空。」

這些許是一個創作者的焦慮,在英國這半年,他一直努力嘗試提醒自己要保持和香港的連結,花很多時間留意香港新聞和網上動態,但原來距離,已經慢慢將他和故鄉拉遠,例如有一次他畫了一個四格漫畫,有關香港的防疫政策,完稿後他一如平日,將作品和太太分享,「當時佢仲喺香港,佢第一個反應係篇漫畫幾得意,但係點解啲人無帶口罩嘅?」

這時阿塗才醒悟「係喎,因為我過到嚟英國,出街唔帶口罩。」

「以前喺香港做創作,其實我都唔出街,都係睇新聞、social media,一個毒撚宅喺屋企,但係原來,有啲好微細嘅觸感,你始終唔喺個空間度活著,已經唔同。」

但無論如何,阿塗已經預視到,在可見的將來都難以回到他念茲在茲的家鄉,他亦和很多其他遠走他方的人一樣,對於離開香港感到愧疚,覺得辜負了曾經在香港支持他的人,「對唔住以前嘅自己」,這種情緒可能永遠無法放下,他亦不打算要放下,「咪將你嘅愧疚當係創作嘅動力。」

未來,阿塗表示他的創作的對象是「香港人」三個字,不會特意去區分是「離開的」抑或是「留低的」,「嘲諷個政府低能嘅政策,係一種弱者能夠做嘅反抗。」他近日亦和 Kitman 合作生產幾款月餅,「主要都係搵錢啦,哈」,但亦是作為難以在家過節的遊子,一種和家人的連結。

而在月餅的盒面上,寫了四個字,「返嚟再約!」

按讚的人:

共有 0 則留言

政治,時事討論
.
  加入部落
建立日期:2022年04月05日